刷新世界紀錄,跑出極限

被譽為世界最快賽道嘅柏林馬拉松喺星期日圓滿結束,香港代表方面,全職跑手徐志堅,以2小時24分43秒(大會時間)完成賽事,唔單只刷新個人最佳成績,重打破時隔26年之嘅香港華人馬拉松紀錄。

另外,比賽重有一名超猛將肯亞名將基普柯吉(Eliud Kipchoge)跑出2小時1分39秒佳績,將原有世界紀錄推前咗大約78秒咁多。其實佢喺2015年時,都以2:小時4分00秒攞第一,不過嗰次雖然攞到世界各大馬拉松最佳成績,但就未能成功突破世界紀錄。

片中就係記錄咗2015年Kipchoge跑柏馬,跑到中途,左腳鞋墊慢慢跣出鞋外。令佢左腳起咗水泡,拇指破皮,流咗唔少血,完全影響佢表演。雖然當日已經得到全場冠軍,但未能成功刷新紀錄。

去到2018年,經過呢幾年磨練,佢以更輝煌嘅成績刷出世界新紀錄,果然係當代最偉大嘅馬拉松跑者!佢嘅成就,再一次向大家表現:堅持係唔會白費!
__________________________________
睇精彩短片