有方法可以食極都唔肥喇!

【有方法可以食極都唔肥喇!】世界各地癡肥問題越嚟越嚴重,而澳洲弗林德斯大學(Flinders University)攞到聯邦政府撥款資助,研究對抗癡肥嘅方法。研究人員用老鼠做實驗,打算移除老鼠嘅RCAN1基因,然後餵佢哋食唔同食物。結果顯示,冇RCAN1基因嘅老鼠唔理食乜,就算係長期食高脂食物都唔會肥。 
研究團隊負責人Damien Keating解釋,移除RCAN1有兩個作用,一係令老鼠嘅白色脂肪轉成健康棕色脂肪,二係令佢哋的肌肉喺休息時燃燒更多能量。
研究人員又希望實驗原理同樣可以啱用喺人類度,日後可以研發出一種抑制RCAN1嘅革命性減肥藥。
其實真係要減肥嘅話,首先係要改變自己飲食習慣同做多啲運動。可能你可以靠藥物去解決癡肥問題,但其實你要知道,食過量食物或者攝取過多營養對身體都會引嚟更多唔同嘅毛病。大家都係注意均衡飲食喇!